На 21.02.2017 година, Симпозион спроведе уште една интерактивна обука на која за прв пат беше разработена една многу интересна тематика која посебно ги засега договорните органи: битните повреди на ЗЈН кои се основ за примена на казнените одредби и процесната имплементација на казнените одредби, како и делови од Законот за општа управна постапка кои се однесуваат на правилно спроведување на постапките за доделување на договор за јавна набавка. Обуката беше водена од правни експерти и професори кои самите се автори на законската регулатива која беше предмет на обуката: проф. д-р А. Павловска-Данева, проф. д-р Г. Бужаровска и м-р М. Малахова, претседателка на Државната комисија за јавни набавки.
„Презадоволни сме од целата обука, особено од опфатените содржини и начинот на кој истите беа обработени од предавачките. Прва обука на ваква тема за која ние имаме слушнато и беше исклучително корисна.“ – Б. Златановска и А. Јанева од Општина Бутел.
„Беше ставен акцент на одредени делови од законската регулатива кои допрва треба да заживеат и за кои не сме доволно упатени. Потребна е едукација и понатаму, ова се битни теми и одлично што беа отворени.“ – Л. Накова-Кардулоска од ЈП Водовод и Канализација – Скопје.
„Задоволни сме што имаше постојана интеракција и беше оставен поголем простор за дискусија, особено во делот на Маја Малахова. Беа направени одредени битни разграничувања во кои како договорни органи обично не навлегуваме, а треба. Во иднина, семинар на оваа тема би можел да се организира во формат на панел дискусија, еден вид на размена на искуства на сите учесници и од истата да произлезат заклучоци и предлози кои ќе бидат доставени до соодветните институции.“ – В. Поповски и П. Спасевски од ЈП за државни патишта.