Со денешното заокружување на тридневната стручна работилница „Новини во јавните набавки во 2026 и практични искуства за справување со предизвиците“, Симпозион успешно запиша уште еден исклучителен едукативен настан во своето професионално портфолио, потврдувајќи го континуитетот на внимателно градените програми што ги обединуваат водечка експертиза на едукативната агенда и искуството на квалитетно организирано патување.
Голема и ангажирана група учесници од договорни органи и економски оператори беше дел од интензивна и практично ориентирана работна агенда посветена на најактуелните прашања и новини во јавните набавки во 2026 година: правната практика, најчестите ризици и дилеми во постапките, евалуацијата, новите инструменти и применливите решенија што директно кореспондираат со секојдневната работа на учесниците. Посебна вредност на работилницата ѝ дадоа динамичната дискусија, анализата на реални ситуации и високиот експертски пристап што, според првичните резултати од евалуацијата, беа оценети со рекордно високи оценки.
Коментарите од учесниците зборуваат за исклучително висока оценка на целокупното искуство — од квалитетот и полезноста на едукативните сесии, преку стручната подготвеност и јасноста на предавањата, до организацијата, логистиката и беспрекорната координација на патувањето. Особено нè радува што колегите ја истакнуваат практичната применливост и исполнетата атмосферата на професионална размена, која секогаш е во фокусот на Симпозион.
Прага се потврди како идеална средина за работилниците од овој карактер. Покрај концентрираната работа, внимателно осмислената програма на патувањето му даде на настанот дополнителна димензија, претворајќи го престојот во чешката престолнина во сеопфатно културно искуство. Централната локација, богатата програма на посети и квалитетот на организацијата беа меѓу аспектите што добија највисоки оценки од учесниците.
По успешно заокружениот априлски едукативен блок, следниот настан на нашата мајска програма е стручната работилница „Одговорно работење во јавниот сектор — Одлуки, ризици, процеси, документација и правна рамка“. Потсетуваме дека од 8 до 11 мај во Прага ќе се реализира тридневната богата програма на овој настан со внимателно разработена едукативна агенда, посветена на актуелни и суштински прашања за јавниот сектор. Преостанати се уште неколку слободни места, поради што ги повикуваме заинтересираните колеги да се пријават за учество и да нè контактираат за сите потребни дополнителни информации. Деталите за содржините се достапни во официјалната објава за мајскиот настан.
Во продолжение следува мала галерија — сосема кратка селекција од свежи погледи на работилницата и патувањето во Прага.
