Во одговор на повеќе повици од нашите редовни соработници и од колегите кои ги високо ги ценат едукативната програма и професионалниот пристап на Симпозион, даваме најава за дел од едукативните настани чиишто официјални објави можете да ги очекувате наскоро. Според вашиот домен на интерес и работа, можете да ги резервирате претстојните термини за учество на стручните настани. Ги објавуваме планираните датуми и места на реализација заради ваше благовремено планирање на личните и професионалните распореди.
▸▸▸▸▸
„НОВИ ПРАВИЛА ЗА ОДРЖУВАЊЕ НА СИСТЕМОТ ЗА ЗАШТИТА НА ЛИЧНИТЕ ПОДАТОЦИ“
(Истанбул, 2—5 април)
Стручниот настан е конципиран првенствено во интерес на офицерите за заштита на лични податоци, одговорните лица за сигурност на информацискиот систем, како и лицата вклучени во процесите на обработка на личните податоци. Учесниците ќе научат низа технички и организациски мерки кои се усогласени со новиот Правилник за безбедност на обработката на личните податоци, во кој се предвидени суштински промени во системите за заштита на личните податоци воспоставени од контролорите во јавниот и приватниот сектор.
▸▸▸▸▸
„НОВИНИ ВО ЗАКОНСКАТА РЕГУЛАТИВА И КЛУЧНИ АСПЕКТИ НА ВНАТРЕШНИТЕ ФИНАНСИСКИ КОНТРОЛИ, УПРАВУВАЊЕТО СО РИЗИЦИ И СТРАТЕШКОТО ПЛАНИРАЊЕ ВО ЈАВНИОТ СЕКТОР“
(Истанбул, 2—5 април)
Во фокус на работилницата се внатрешните ревизори од единиците за внатрешна ревизија, како и вработените во секторите за финансиски прашања, организационите единици за стратешко планирање, секторите за правни и општи работи од институциите во јавниот сектор. Овие стручни лица ќе имаат најголема додадена вредност во своето работење со учеството на идната работилница. Учесниците ќе добијат јасна претстава за новите барањата согласно меѓународните стандарди за внатрешна контрола и националната регулатива во делот на воспоставување на внатрешните финансиски контроли, управувањето со ризиците и нивната поврзаност со стратешкото планирање.
▸▸▸▸▸
„ФИНАНСИСКО ПЛАНИРАЊЕ, РЕАЛИЗАЦИЈА И ИЗМЕНА НА ДОГОВОРИТЕ ЗА ЈАВНИ НАБАВКИ“
(Будимпешта, 12—15 мај)
Оваа работилница ќе биде примарно насочена кон договорните органи (одговорни лица, лица на раководни позиции, лица за јавни набавки и лица задолжени за следење на реализацијата на договорите), економските оператори (одговорни лица, лица кои ги подготвуваат понудите и лица кои ја следат реализацијата на договорите). Значаен интерес за учество ќе имаат и вработените од секторите за финансиски прашања, секторите за правни и општи работи, внатрешните ревизори од единиците за внатрешна ревизија во институциите во јавниот сектор.
▸▸▸▸▸
„ПРЕДИЗВИЦИТЕ СО КОИ СЕ СООЧУВААТ МЕДИЦИНСКИТЕ СЕСТРИ“
(Будимпешта, 12—15 мај)
Стручната едукативна агенда на овој претстоен настан ќе биде целосно насочена кон медицинските сестри од сите нивоа на здравствената заштита (примарна, секундарна, терциерна).
▸▸▸▸▸
Очекувајте ги наскоро официјалните објави на нашите идни едукативни настани, следете ја нашата социјална страница и контактирајте со нас за сите поврзани прашања и потреби. Добредојдени се вашите изјави на интерес и предрезервации за учество во интерес на сигурно место на идните работилници.
Тековно е отворен повикот за пријавување на стручната работилница „Новини во Законот за јавните набавки, најчести дилеми и препораки за успешни постапки“, која на 5 март (среда) ќе ја реализираме во удобните услови на „Park Hotel & Spa“ во Скопје. Ова е втор термин за работилницата, по силниот интерес и брзото пополнување на првата група. Работните сесии ќе ги води исклучителен состав на докажани експерти во областа на јавните набавки. Сите информации и подробности се достапни во официјалната »ПОКАНА и АГЕНДА«. Своите пријави за учество на овој едукативен настан можете да ги реализирате испраќајќи ни го овој »ПРИЈАВЕН ЛИСТ« на нашата официјална адреса info@simpozion.mk.
Симпозион продолжува да ги следи Вашите потреби и интереси, постојано да го усовршува својот организациски пристап за да обезбеди најдобри услови за стручна едукација и внимателно одбрано знаење! Остануваме во редовна служба на вашиот професионален раст и развој!
